सुटिङका क्रममा भिरबाट लडेर अभिनेत्री तिमिल्सिना घाइते
फिल्म ञद्रौपदीझ सुटिङका क्रममा अभिनेत्री सुजाता तिमिल्सिना भिरबाट लडेर घाइते भएकी छिन् ।
डोल्पामा सुटिङ गर्नेक्रममा मंगलबार दिउँसो सुजाता भीरबाट लडेर घाइते भएकी हुन् ।
उनको मुड्केचुला गाउँपालिकास्थित स्थानीय अस्पतालमा उपचार भइरहेको फिल्मका निर्माता तथा निर्देशक ऋषिराज आचार्यले जानकारी दिए ।
उनका अनुसार तिमिल्सिनाको मुख, दाँत तथा हातखुट्टामा चोट लागेको छ । अहिले उनको स्वास्थ्य स्थिति खतरामुक्त छ । कलाकार घाइते भएपछि मंगलबार सुटिङ अवरुद्ध भएको थियो ।
प्रकाशित मिति: २८ चैत्र २०८०, बुधबार
