दुर्घटनामा एक जनाको मृत्यु
तनहुँ, पुस २४
तनहुँको भानु नगरपालिका–३ रिडीखोला नजिकै भएको सवारी दुर्घटनामा परी एक जनाको मृत्यु भएको छ । गएराति ना ५ प १८८४ नम्बरको मोटरसाइकल अनियन्त्रित भई दुर्घटना भएको प्रहरीले जनाएको छ ।मृत्यु हुनेमा चितवनको शारदानगर–५ का मोटरसाइकल चालक विष्णुबहादुर अधिकारी रहेका छन् । दुर्घटनामा परी गम्भीर घाइते भएको उनको दमौली अस्पतालमा उपचारका क्रममा मृत्यु भएको हो ।
प्रकाशित मिति: २४ पुस २०७३, आइतबार
