कास्की, माघ १०

नेकपा एमालेका वरिष्ठ नेता माधवकुमार नेपालले मुलुकलाई राजनीतिक शून्यताबाट देशलाई जोगाउन अहिले तीन तहको निर्वाचन गर्न आवश्यक रहेको बताएका छन ।

नेपालले व्यवस्थापिका संसदमा पेश भएको संविधान संशोधन प्रस्तावलाई थाँती राखेर निर्वाचन सम्बन्धी कानुन पारित गरी निर्वाचन आयोगलाई बुझाउन पर्ने बताए । प्रेस चौतारी नेपाल कास्कीले आज पोखरामा आयोजना गरेको पत्रकार भेटघाटमा बोल्दै नेता नेपालले अनेकौं बाहनामा निर्वाचनलाई सार्ने चालबाजी भइरहेको भन्दै चिन्ता व्यक्त गरे ।

संविधान संशोधन मधेसी आम जनताको माग नभएको नेपालको दावी छ । संविधान संशोधनलाई विफल पार्ने एक तिहाइ सांसदको संख्या विपक्षीसँग सुरक्षित रहेकाले प्रस्ताव कुनै हालतमा पास नहुने जिकिर गरे ।