शहीद सप्ताह सुरु

काठमाडौं , माघ १०

आजदेखि शहीद सप्ताह सुरु भएको छ । सरकारले २०१२ सालदेखि हरेक वर्ष शहीदको सम्मानमा विभिन्न कार्यक्रमको आयोजना गरी शहीद सप्ताह मनाउदै आएको छ । राणा शासनको विरोधमा उत्रिएको भन्दै तत्कालिन राणा सरकारले विक्रम सम्वत् १९९७ मा शुक्रराज शास्त्री, धर्मभक्त माथेमा, गंगालाल श्रेष्ठ र दशरथ चन्दलाई मृत्युदण्ड दिएको थियो ।

शहीद शुक्रराज शास्त्रीलाई टेकुको पचलीमा माघ १० गते, धर्मभक्त माथेमालाई सिफलमा १३ गते र १५ गते गगांलाल श्रेष्ठ तथा दशरथ चन्दको शालिकमा रहेको शोभा भगवती पुगेर श्रद्धाञ्जलि दिने कार्यक्रम छ । यस्तै माघ १६ गते शहीद दिवसका दिन विभिन्न कार्यक्रमको आयोजना गरी शहीदको सम्झनामा विशेष कार्यक्रम गर्ने तयारी समेत भएको छ ।