नेदरल्यान्ड्सविरुद्ध टस जितेर ब्याटिङ गर्दै नेपाल
काठमाडौं । त्रिकोणात्मक महिला टी-२० क्रिकेट शृंखलामा नेपालले नेदरल्यान्ड्सविरुद्धकोपहिला ब्याटिङ गर्ने भएको छ ।
नेपालले त्रिवि क्रिकेट मैदान कीर्तिपुरमा टस जितेर ब्याटिङ गर्ने निर्णय गरेको हो। नेपाली टोलीमा एलिसा कुमारी यादवको स्थानमा सीता रानामगरलाई ल्याइएको छ ।
एलिसाको स्थानमा रोमा थापाले विकेटकिपिङको जिम्मेवारी सम्हाल्ने छिन्।
नेदरल्यान्ड्सविरुद्धको पछिल्लो खेलमा सीताले ५ विकेट लिनुका साथै अविजित १० रन बनाएकी थिइन्।
तर उनलाई थाइल्यान्डविरुद्ध मंगलबारको खेलमा प्लेइङ ११ मा राखिएको थिएन्।
तीन राष्ट्र सम्मिलित यस शृंखलामा नेपाल पहिलो चार खेलमा पराजित भइसकेको छ ।
प्रकाशित मिति: २३ माघ २०८१, बुधबार
