शानदार मःम ग्यास विस्फोट : घाइते भएका दुई जनाको मृत्यु

काठमाडौं । काठमाडौंको कमलपोखरीस्थित शानदार मःम पसलमा ग्यास सिलिन्डर विस्फोट हुँदा घाइते भएका दुई जनाको मृत्यु भएको छ ।

जिल्ला प्रहरी परिसर काठमाडौंका अनुसार विस्फोटमा घाइते भई कीर्तिपुर बर्न अस्पतालमा भर्ना गरिएका रविन राई र भीमबहादुर घलेको मृत्यु भएको हो ।

रविनको हिजो साँझ र भीमको आज बिहान मृत्यु भएको प्रहरीले जनाएको छ ।

गत बिहीबार मःम पसलको ग्यास विस्फोट हुँदा ११ जना घाइते भएका थिए । अन्यको कीर्तिपुर अस्पतालमा उपचार जारी छ ।