विचाराधीन विधेयकलाई सदनबाट अगाडि बढाउने प्रमुख सचेतकहरूको निर्णय
काठमाडौं । सत्तारुढ दलका प्रमुख सचेतकहरूको बैठकले दुवै सदनमा विचाराधीन अवस्थामा रहेका विधेयकहरूलाई अगाडि बढाउने निर्णय गरेको छ।
सिंहदरबारमा बसेको प्रतिनिधिसभा र राष्ट्रियसभाका सत्ता पक्षीय प्रमुख सचेतकको बैठकले उक्त विधेयकहरूलाई चाँडै निष्कर्शमा पुर्याउने निर्णय गरेको हो।
बैठकपछि नेकपा एमालेका प्रमुख सचेतक महेश बर्तौलाले दुवै सदनमा विचाराधीन विधेयकहरूलाई अघि बढाउने,शिक्षा र संघीय निजामति कर्मचारी विधेयक यही अधिवशेनबाट पारित गर्नपर्ने निर्णय भएको बताए।
दुवै सदनले विचाराधीन विधेकहरूलाई विधिवतरुपमा आ-आफ्नो ठाउँबाट राफसाफ गरेर अर्को हाउसमा पठाउने निर्णय भएको उनले बताए ।
प्रकाशित मिति: ४ फाल्गुन २०८१, आइतबार
