एमाले फुटाएर मैले सही काम गरे : माधव नेपाल

काठमाडौं। नेकपा एकीकृत समाजवादी पार्टीका अध्यक्ष माधव नेपालले एमाले विभाजन जायज भएको बताएका छन् ।

आजबाट सुरु भएको पार्टी केन्द्रीय समितिको दोस्रो पूर्ण बैठकलाई सम्बोधन गर्दै अध्यक्ष नेपालले सो कुरा बताएका हुन् ।

उनले एमाले फुटाएर आफूले सही र जायज काम गरेको बताए । अध्यक्ष नेपालले एमालेको नाम नलिईकनै दक्षिणपन्थी अवसरवादविरुद्ध विद्रोह गरेको बताए।

नेपालले एमालेसँग विद्रोह गरेर नयाँ पार्टी बनाएकोमा गौरवबोध गर्ने पनि बताए ।

अध्यक्ष नेपालले पार्टी सानो छ, चल्छ भन्नेजस्ता निराशावादी कुरा गर्नेहरूलाई मुखभरिको जबाफ दिनुपर्ने बताए ।

अध्यक्ष नेपालले काम, गतिविधि र व्यवहारबाट पार्टी सञ्चालन गरेर देखाउनुपर्ने बताए।