चीनले आजदेखि अमेरिकी सामानमाथि लगायो कर !

एजेन्सी । अमेरिकी उत्पादनहरूमा चीनले लगाएको कर आजदेखि लागू हुने भएको छ । अमेरिकाले लगाएको २० प्रतिशत अतिरिक्त करको जवाफमा चीनले यो कर लगाउन थालेको हो।

अमेरिकी राष्ट्रपति डोनाल्ड ट्रम्पले फेब्रुअरी १ ​​मा चीनमाथि १० प्रतिशत अतिरिक्त कर लगाउने निर्णय गरेका थिए। एक महिना पछि, ट्रम्पले चीनमाथि लगाइएको १० प्रतिशत कर बढाएर २० प्रतिशत पुर्‍याएका छन्।

यसपछि चीनले अमेरिकाबाट आउने कोइला र एलएनजीमा १५ प्रतिशत र कच्चा तेल, कृषि मेसिनरी र ठूला इन्जिन भएका कारहरूमा १० प्रतिशत कर लगाउने घोषणा गरेको थियो ।

ट्रम्पको अघिल्लो कार्यकालमा जस्तै दुई देशबीच फेरि एकपटक ट्यारिफ युद्ध सुरु भएको छ। यस युद्धमा चीनले अमेरिकाको तुलनामा साढे दुई गुणा बढी क्षति बेहोर्ने विज्ञहरूको अनुमान छ।