पूर्वराजा शाहले संविधानविपरीत काम गरे, कारबाही गर्नुपर्छ : रामहरि खतिवडा
काठमाडौं । नेपाली कांग्रेसका सांसद रामहरि खतिवडाले पूर्वराजा ज्ञानेन्द्र शाहले संविधानविपरीत काम गरिरहेको आरोप लगाएका छन् ।
प्रतिनिधिसभाको आकस्मिक समयमा बोल्दै सांसद खतिवडाले उक्त आरोप लगाएका हुन् ।
उनले संविधान विपरीत काम गरेकाले पूर्वराजा शाहलाई कारबाही गर्न माग गरे।
सांसद खतिवडाले फागुन ६ गते प्रजातन्त्र दिवसका अवसरमा शुभकामनामा भिडियो सन्देश दिँदै पूर्व राजा शाहले शाही निशाना प्रयोग गरेको र श्री ५ को सरकार लेखेकाले कारबाही गर्न सरकारलाई निर्देशन दिन सभामुख देवराज घिमिरेलाई आग्रह गरे।
उनले २०६५ जेठ १६ गते शाही निशाना हटाए पनि अहिलेसम्म त्यो प्रयोग गरेर संविधान विपरीत काम गरेको बताए ।
खतिवडाले त्यो काम कसरी हुने अवस्था आयो भन्दै प्रश्न समेत गरे ।
प्रकाशित मिति: ६ चैत्र २०८१, बिहिबार
