बाफलमा रहेको मेडल तथा स्टिकर गोदाममा आगलागी

काठमाडौं । काठमाडौंको नागार्जुन नगरपालिका–३ बाफलमा रहेको मेडल तथा स्टिकर गोदाममा आगलागी भएको छ ।

राजेन्द्र उदासले सञ्चालन गरेको गोदाममा बिहान सवा तीन बजेतिर आगलागी भएको हो ।

नेपाली सेना, नेपाल प्रहरी र सशस्त्र प्रहरीसहित सुरक्षाकर्मीको टोलीले दमकलको सहयोगमा आगो निभाएको छ । आगो निभाउन झन्डै साढे एक घण्टा लागेको थियो ।

बिजुली सर्ट भएर आगलागी भएको हुनसक्ने प्रारम्भिक अनुमान छ । गोदाममा आगलागीबाट भएको क्षतिको विवरण आउन नसकेको प्रहरीले जनाएको छ ।