उत्तराखण्ड बाढीमा बेपत्ता २६ नेपालीको नाम सार्वजनिक (सूचीसहित)

काठमाडौं । भारतको उत्तराखण्डमा आएको भीषण बाढी–पहिरोमा बेपत्ता भएका २६ जना नेपाली नागरिकको नाम सार्वजनिक गरिएको छ ।

दिल्लीस्थित नेपाली दूतावासका अनुसार उत्तरकाशीको धरालीमा २१ जना र पौडीगढवालको बंकुरामा पाँच जना बेपत्ता भएका हुन् ।

धरालीमा हराउनेहरू प्रायः होटल र स्याउ फार्ममा काम गर्न गएका नेपालीहरू हुन् । उनीहरुको खाजी कार्य तीब्र पारिएको दूतावासले जनाएको छ ।

उत्तरकाशीको धराली क्षेत्रमा गएको मङ्गलवार आरीघोप्टे वर्षापछि खिरगंगा नदीमा आएको बाढीले गंगोत्री मार्गमा पर्ने धराली बजार तहसनहस गरेको छ ।

धराली क्षेत्रमै होटेल तथा स्याउ फार्ममा काम गर्न गएका नेपालीहरु बाढीमा परेको अनुमान गरिएको छ ।