सुनको मूल्य तोलाकै २ लाख नाघ्यो, चाँदीको कति ?

काठमाडौं । नेपाली बजारमा सुनको मूल्य तोलाकै २ लाख पुगेको छ ।

बिहीबारको तुलनामा आज सुनको मूल्य बढेर २ लाख नाघेको हो । सुनको मुल्य तोलामा १२ सयले बढेको छ ।

नेपाल सुनचाँदी व्यवसायी महासङ्घका अनुसार आज एक तोला सुनको मूल्य २ लाख ६ सय निर्धारण भएको छ ।

यस्तै चाँदी ५ रुपैयाँले बढेर दुई हजार ३६० मा खरिदबिक्री भइरहेको छ ।

हिजो एक तोला सुन एक लाख ९९ हजार ४००मा किनबेच भएको थियो भने चाँदी रु दुई हजार ३५० मा कारोबार भएको थियो ।