कपिल र सिद्धुमाथि लाग्यो गम्भीर आरोप



काठमाडौं, चैत्र ३०
सुनिल ग्रोवरले छोडेपछि यतिखेर कपिल शर्मा आफ्नो शो बचाउने कोशिसमा लागी परेका छन् । यसको लागी उनी अश्लिल जोक तथा दोहोरोे अर्थ लाग्ने शब्दको सहारा लिइरहेका छन् । जसमा नवजोत सिद्धुले पनि उनलाई सहायता दिइरहेका छन् ।

पछिल्लो समय नायिका परिणीति चोपडा र आयुष्मान खुराना आफ्नो आउँदै गरेको फिल्म मेरी प्यारी विन्दु प्रमोसनका लागी पुगेका थिए । सोहि समयमा कपिल र सिद्धुले दोहोरो अर्थ लाग्ने जोक प्रयोग गरेको मुद्धालाई अहिले भारतीय मिडियाले उचालिरहेका छन्।
अप्रिल ८ मा प्रसारित एक एपिसोडमा कपिल र सिद्धुले दोहोरो अर्थ लाग्ने गरि दर्शकको सामु बातचित गरेका थिए । सोहि क्रममा सिद्धुले कपिललाई भनेका थिए,’पाजी अव विहे गर्नुस् ४० वर्ष नाघेपछि व्याट्री सिद्धिन्छ । कपिलले यसको जवाफ दिदै भने, हामीसंग व्याट्रि सिस्टम छैन, हामी जेनेरेटरमा छौ ।’

यसैविच कार्यक्रममा उपस्थित परिणीति चोपडासंग जिस्किदै कपिलले एउटा जोक सुनाए । सोही क्रममा सिद्धुले पनि अपशव्द र अश्लिल शव्द प्रयोग गरेर एउटा जोकको अंश सुनाउदै भने, ‘हाम्रो यहाँ एउटा एमपि हुनुहुन्छ । अहिले उनको नाम नलिउ, उहाँ धेरै मोटे हुनुहुन्थ्यो । एकदिन प्यान्ट लगाएर ट्वाइलेट गए र फर्किए । त्यसपछि मैले भने, पाजी तपाईको पोस्टअफिस खुला छ । अनि ति काकाले भने जहाँ बन्द ठाउमा राखिएको सम्पतिलाई गरेर लुटिन्छ, त्यहा ताल्चा लगाइदैन ।’

यस जोकको हिस्सालाई दर्शक र मिडियाहरुले अश्लिल भन्दै आलोचना गरेको छ । गत हप्ता यहि विषयलाई लिएर पन्जाबको उच्च अदालतमा सिद्धुविरुद्ध मुद्धा समेत दर्ता गरिएको छ ।

तर वास्तविकता यो छ कि, कपिल शर्मा शोमा पहिले पनि यस्ता जोस्क भनिदै आएको थियो तर जब कपिल र सुनिलको विवाद चर्कियो कपिलको शोको प्रतिष्ठा अझै घटाउन उनलाई चारतिरबाट घेर्न थालियो। फलतस् पहिले कहिल्यै मुद्दा नबनेका यस्ता विषय उचालेर भारतीय मिडियाले कपिल सहित अहिले सिद्धुको बदनाम गर्दैछन्।

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2022 Deshko News