एकैदिन तोलामा ५६ सयले बढ्यो सुन

काठमाडौंं । नेपाली बजारमा सुनको मूल्य बढेको छ ।

आइतबार सुन तोलामा ५६ सय रुपैयाँले बढेर प्रतितोला तीन लाख १० हजार ३०० रुपैयाँमा किनबेच भइरहेको नेपाल सुनचाँदी व्यवसायी महासंघले जनाएको छ ।

गत शुक्रबार प्रतितोला तीन लाख चार हजार ७०० रुपैयाँ थियो ।

यस्तै, चाँदीको मूल्य पनि बढेको छ । चाँदी तोलामा ३७५ रुपैयाँले बढेर पाँच हजार ४२५ रुपैयाँ कायम भएको छ ।

यसअघि शुक्रबार पाँच हजार ५० रुपैयाँ तोलामा कारोबार भएको थियो ।