फिफा विश्वकप २०२६ : उरुग्वे र केप भार्डे २-२ को बराबरीमा रोकिए
काठमाडौँ। फिफा विश्वकप २०२६ अन्तर्गत भर्खरै सकिएको खेलमा उरुग्वे र केप भार्डेले २–२ गोलको बराबरी खेलेका छन्। बराबरीमा रोकिएर दुवै टोलीले अंक बाँडेका छन्।
पहिलो हाफको खेल सकिँदा उरुग्वेले केप भार्डेविरुद्ध २-१ को अग्रता बनाएको थियो। तर खेलको ६१ औँ मिनेटमा केभ भार्डेका हेलियो भरेलाले गोल गर्दै खेल २–२ को बराबरीमा ल्याए।
त्यसपछि खेलमा कुनै पनि टोलीबाट गोल हुन सकेन।
खेलको २१ औँ मिनेटमा पहिलो गोल गर्दै केप भर्डेले अग्रता लिएको थियो।
तर, उरुग्वले ४४ औँ मिनेटमा गोल गर्दै खेल बराबरीमा ल्यायो। लगत्तै ४६ औँ मिनेटमा अर्को गोल थप्दै उरुग्वेले खेलमा अग्रता बनाएको थियो।
उरुग्वेका लागि म्याक्सिमिल्लानो आरौजोले पहिलो र अगस्टिन कानोब्बीओले दोस्रो गोल गरे।
केप भार्डेका लागि फ्रि किक मार्फत केभिन पिनाले गोल गरे।
केप भार्डेले पहिलोपटक विश्वकप खेलेको हो। समूहचरणको पहिलो खेलमा उसले स्पेनसँग बराबरी खेलेको थियो।
प्रकाशित मिति: ८ असार २०८३, सोमबार
