मधेशका अर्थमन्त्री भट्टराईको गाडी तोडफोड गरेको आरोपमा एक जना पक्राउ

जनकपुरधाम। मधेश प्रदेशका अर्थमन्त्री युवराज भट्टराई चढ्ने गाडी तोडफोड गरेको आरोपमा एक जना पक्राउ परेका छन् ।

पक्राउ पर्नेमा महोत्तरीको महोत्तरी गाउँपालिका-६ का जितेन्द्र मिश्र रहेका छन् ।

बुधबार बिहान मधेश भवनस्थित मन्त्रालय अगाडि पार्किङ गरी राखिएको ज १ झ ४४१ नम्बरको सरकारी गाडी तोडफोड गरिएको थियो ।

जिल्ला प्रहरी कार्यालय धनुषाकाअनुसार आज दिउँसो उनलाई मधेश भवन भित्रैबाट सीसीटीभी फुटेजको आधारमा पक्राउ गरिएको हो ।

पक्राउ परेका मिश्रले मन्त्रीको गाडीमा रहेको राष्ट्रिय झन्डा भाँचेर भुइँमा फालेको र कानमा फोन लगाउँदै मन्त्रालय परिसर भित्र गएको सीसीटीभी फुटेजमा देखिएको छ ।