एनपीएल तेस्रो संस्करणको अक्सन आज, १५५ खेलाडी समावेश

काठमाडौं। नेपाल प्रिमियर लिग (एनपीएल) को तेस्रो संस्करणका लागि खेलाडी अक्सन आज आयोजना हुँदैछ।

नेपाल क्रिकेट संघ (क्यान)का अनुसार एनपीएलको तेस्रो संस्करणका लागि खेलाडी अक्सन आज हुन् लागेको हो ।

क्यानका अनुसार एनपिएलका लागि कुल ३‌ बसय ४७ खेलाडीले नाम दर्ता गराएका थिए।

त्यसबाट अक्सन का लागि १ सय ५५ खेलाडी छनोट भएका छन्। छनोट भएका खेलाडीमध्ये क्याटेगोरी ‘ए’ मा ५ जना, ‘बी’ मा २७ जना र ‘सी’ मा १२३ जना रहेका छन्।

अक्सनमार्फत विभिन्न फ्रेन्चाइज टोलीहरूले कुल ५२ खेलाडीलाई अनुबन्ध गर्नेछन्।

क्यानका अनुसार तेस्रो संस्करणदेखि प्रतियोगिताको टोली संरचनामा पनि परिवर्तन गरिएको छ।

अब प्रत्येक फ्रेन्चाइज टोलीमा थप दुई नेपाली खेलाडी समावेश गरिनेछ। यससँगै मार्की खेलाडी र ट्यालेन्ट हन्टबाट छनोट भएका खेलाडीसमेत गरी प्रत्येक टोलीमा १४ जना नेपाली खेलाडी रहने व्यवस्था गरिएको छ।