बिदाको दिनमा पनि आरटीजीएस प्रणाली सञ्चालनमा रहने
काठमाडौँ । ठुला भुक्तानीमा प्रयोग हुने रियल टाइम ग्रस सेटलमेन्ट (आरटीजीएस) प्रणाली बिदाको दिनमा समेत सञ्चालन हुने भएको छ ।
आर्थिक वर्षको अन्तिम समयमा हुने कारोबार तथा भुक्तानी चापलाई व्यवस्थापन गर्न नेपाल राष्ट्र बैंकले आर्थिक वर्षको अन्तिम साताको सार्वजनिक बिदामा यो प्रणालीलाई खुला नै राख्न लागेको हो ।
राष्ट्र बैंकले बिहीबार सूचना जारी गर्दै असार २७ गते शनिबार र २८ गते आइतबारका दिन यो प्रणाली यथावत् सञ्चालन गर्ने जनाएको छ ।
सबैजसो बैंक तथा वित्तीय संस्था आबद्ध रहेको यो प्रणाली राष्ट्र बैंकले नै सञ्चालन गर्दै आएको छ ।
प्रकाशित मिति: २५ असार २०८३, बिहिबार
