चोभारमा बस, ट्यांकर र मोटरसाइकल एकआपसमा ठोक्किए

काठमाडौं । काठमाडौंको चोभार क्षेत्रमा बस, ट्यांकर र मोटरसाइकल एकआपसमा ठोक्किँदा सडक दुर्घटना भएको छ।

दुर्घटनामा ट्यांकर पल्टिएको छ भने बस र मोटरसाइकलमा समेत क्षति पुगेको प्रहरीले जनाएको छ।

दुर्घटनापछि केही समय सडक अवरुद्ध भएको थियो। हाल पल्टिएको ट्यांकर हटाउने काम भइरहेका कारण सडक एकतर्फी रूपमा सञ्चालन गरिएको प्रहरीले जनाएको छ।

प्रहरीका अनुसार दुर्घटनामा मानवीय क्षति भएको वा नभएकोबारे विस्तृत विवरण आउन बाँकी छ।

घटनाको कारण खुलाउन तथा क्षतिको यकिन विवरण संकलन गर्न प्रहरीले अनुसन्धान अघि बढाएको छ।