काठमाडौं, जेठ १६
बाजुराको कोल्टी विमानस्थलमा भएको नेपाली सेनाको विमान दुर्घटना पाईलट कैलाश गुरुङको ज्यान गएको छ ।

मंगलबार दिउँसो १२ बजेर २० मिनेटमा नेपाली सेनाको सामान बोकेको विमान कोल्टी विमानस्थल नजिकै अवतरणका क्रममा दुर्घटना भएको थियो । दुर्घटनामा एक प्राविधिक र एक महिला पाइलट घाइते छन्।

विमानस्थ देखि केही पर, अवतरण गर्ने क्रममा दुर्घटना भएपछि जहाज उत्तानो पल्टिएको थियो ।

दुर्घटना भएको विमानमा आगो लागेको थियो । स्थानीयवासी र नेपाल प्रहरीले आगो निभाएर घाईतेहरुको उद्धार गरेका छन ।

जहाजमा सवार चालक दलका दुई जना घाईतेलाई सीता एयरको विमानबाट नेपालगञ्ज लगिएको कोल्टी विमानस्थल सुरक्षा पोष्टले जनाएको छ ।

एनए ०४८ कल साइनको नेपाली सेनाको उक्त विमान सुर्खेतबाट हुम्लाको सिमिकोटका लागि नेपाली सेनाको सामान बोकेर उडेको थियो। सिमिकोटमा मौसममा खराबी आएको भन्दै उक्त जहाज कोल्टीका लागि डाईभर्ट भएको थियो ।

प्रकाशित मिति: १६ जेष्ठ २०७४, मंगलबार