नयाँदिल्ली
भारतको उत्तरप्रदेश बरेलीमा आइतबार राति करिब १ बजे बस र ट्रक एक आपसमा ठोकिएर भीषण आगलागी भएको छ।

इन्वर्टिस विश्वविद्यालय अगाडि भएको आगलागीबाट १८ जना यात्रुको जलेर मृत्यु भएको भारतीय पत्रिका अमरउजालाले जनाएको छ। घटनाबाट कैयों घाइते भएका छन् ।

भीषण आगोलाई फायर ब्रिगेडले पनि नियन्त्रणमा लिन निकै गाह्रो भएको थियो । फायर ब्रिगेडको दुई गाडीले करिब आधा घण्टापछि मात्रै आगो नियन्त्रणमा लिएका थिए ।

आइतबार राति दिल्ली रोडवेजको गोंडा गइरहेको बस ‘बी साइड’ बाट बाइपास भइरहेको थियो । सोही बेला तीब्र गतिमा आइरहेको शाहजहांपुरको ट्रकसंग ठोकिएपछि दुर्घटना भएको थियो ।

प्रकाशित मिति: २२ जेष्ठ २०७४, सोमबार