नयाँदिल्ली, असार (एजेन्स)
भारतको शाहदरा जिल्लाको जीटीबी एङ्कलेव इलाकामा एक व्यक्तिले घरको शान्तिको लागि भन्दै आफ्नो तीन वर्षीया छोरीको कान काटेका छन् ।

गृह शान्तिका लागि भन्दै आरोपी बालिकाको बली दिने तयारी पनि गरिरहेका थिए । उनी नेपाली भएको भारतीय प्रहरीले जनाएको छ। सो कुरा उनकै अर्की ११ वर्षीया छोरीले देखेर कराउँदै गुहार माग्दा घटना बाहिर आएको थियो ।

घटना बाहिर आएपछि आरोपी अमृतबहादुरलाई प्रहरीले पक्राउ गरेको छ । प्रहरीले उनलाई चक्कुसहित पक्राउ गरेको हो । यता काटिएका दुईवटै कान लिएर बालिकालाई जीटीबी अस्पताल पुर्याइएको छ । भारतीय प्रहरीका अनुसार उनी नेपाली नागरिक हुन् ।

उनी परिवारसंगै ताहिरपुर, जीटीबी एंक्लेव इलाकामा बस्दै आएका छन् । तर, उनी नेपाल कुन ठाउँका हुन् भन्ने खुलेको छैन । उनको परिवारमा पत्नी मीना छन् र ११ वर्षीया छोरी छन् । करीब १० वर्षअघि दाई महकबहादुरको मृत्युपछि उनले आफ्नो भाउजु मीनालाई आफ्नो पत्नी बनाएका थिए ।

उनको दाईबाट मीनाका दुई छोरी अञ्जु, कमला र एक छोरा विकास छन् । जबकी अमृतबहादुरबाट अहिले एक बच्चा मात्रै छ । उनलाई तन्त्रमन्त्र विद्यामा विश्वास गरेको आरोप लगाइएको छ । प्राः उनी तान्त्रिककहाँ गइरहन्थे ।

प्रकाशित मिति: ९ असार २०७४, शुक्रबार