जहाँको मन्दिरमा मोटरसाइकलको पूजा गरिन्छ, यस्तो छ कारण




एजेन्सी
भारतको राजस्थानको रोपर जिल्लाको जोधपुर–पाली हाइवे नजिकै पाली जिल्लामा रहेको एक मन्दिरमा राखिएको मोटरसाइकललाई मानिसहरुले पूजा गर्ने गर्छन् । जुन मोटरसाइकल करिब ३० वर्ष पहिले दुर्घटनामा परि मृत्यु भएका एक युवकको हो । मोटरसाइकल मन्दिरमा राखिएको छ । यसलाई कसैले हटाउन सक्दैनन् ।

२३ डिसेम्बर १९८८ मा ओमसिंह राठौर नामका २३ वर्षीय छाराको मोटरसाइकल दुर्घटनामा मृत्यु भएको थियो । एनफील्ड ३५० सीसीको मोटरसाइकलमा सवार रहेका युवकको दुर्घटनाका क्रममा रुखमा ठोकिएर मृत्यु भएको थियो ।

दुर्घटनापछि प्रहरीले मोटरसाइकललाई प्रहरी चौकीमा लिएपनि पछिल्लो दिन त्यो मोटरसाइकल एक्कासी गायब भयो । खोज्दै जाँदा मोटरसाइकल फेरि त्यही दुर्घटना भएको ठाउँमा भेटियो । प्रहरीले फेरि मोटरसाइकललाई चौकीमा लिए । मोटरसाइकलमा रहेको पेट्रोल पनि निकालियो ।

तर, फेरि पनि पछिल्लो दिन मोटरसाइकल त्यही ठाउँमा पुगेको पाइयो । त्यसपछि मानिसले बाइकमा कुनै दिव्य शक्ति रहेको माने । मानिसहरुले दुर्घटनास्थलमा मन्दिर निर्माण गरे ।

जुन मन्दिरको नाम बुलेट बाबा वा ओम बन्ना मन्दिर भन्ने गर्छन् । जुन रुखमा ठोकिर युवकको मृत्यु भएको थियो सोही रुखको पनि पूजा गर्ने गरिन्छ ।

प्रतिक्रिया दिनुहोस्

 

 

           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2021 Deshko News