पाकिस्तानी पूर्वप्रधानमन्त्री भुट्टोको हत्याका आरोपी १० वर्षपछि निर्दोष ठहर



इस्लामावाद, भदौ १६

पाकिस्तानी एक विशेष अदालतले आतङ्कवाद विरोधि अदालतले पूर्व प्रधानमन्त्री बेनजिर भूट्टोको हत्यामा संलग्न भनी आरोपित पाँच जनालाई बिहीबार सफाई दिएको छ ।

दुई पटक प्रधानमन्त्री बनेकी पाकिस्तानी राजनीतिमा एक प्रभावशाली व्यक्तित्वका रुपमा रहेकी भूट्टोको पाकिस्तानको रावलपिण्डी शहरमा भएको हमलामा हत्या भएको थियो । भूट्टोलाई सन् २००७ को डिसेम्बर २७ मा चुनावी सभामा सम्बोधन गर्ने क्रममा हत्या भएको थियो ।

पाकिस्तानको एउटा विशेष अदालतले भूतपूर्व प्रधानमन्त्री बेनजीर भुट्टोको हत्याको षड्यन्त्र गरेको आरोपमा मुद्दा चलाइएका पाँचै जना अभियुक्तलाई निर्दोष ठहर गरेको छ । उक्त हत्या अभियोगमा आइतजाज शाह, शेर जमान, हुसैन गुल, मुहम्मद रफाकत र रसीद अहमदलाई पक्राउ गरी मुद्दा चलाइएको थियो ।

अदालतले उक्त घटनामा उच्च पदाधिकारीको सुरक्षामा आवश्यक सतर्कता नदेखाएको साथै अपराध भएको ठाउँबाट तथ्य लुकाएको अभियोगमा वरिष्ठ प्रहरी अधिकारी साउद अजिज र खुराम शेहजादलाई १७ बर्षको जेल सजाँए तोकेको छ ।

भुट्टो प्रधानमन्त्री रहेकै समयमा उहाँको सुरक्षामा प्रत्यक्ष जिम्मेवार रहेका दुवै जनालाई घटना शङ्काको सूचीमा समावेस गरिएको छ । उनीहरू दुवैलाई भुट्टोको मृत शरीरको अन्तिम परीक्षण गर्नसमेत नदिई तथ्यलाई लुकाउने काममा सहयोग पुर्याएको आरोप लगाइएको थियो ।

सोही अदालतले पाकिस्तानका भूतपूर्व राष्ट्रपति जेनरल परवेज मुशर्रफलाई मुद्दाको सुनुवाईको बेला अदालतमा उपस्थित नभएको भन्दै फरार अभियुक्त घोषणा गरेको छ ।

उहाँलाई पनि बेनजीर भुट्टोको हत्याका सम्बन्धमा अभियोग लगाइएको छ । तर उहाँ गत वर्षदेखि नै स्वनिर्वासनमा हुनुहुन्छ । रासस÷सिन्ह्वा

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2021 Deshko News