कतारको आगलागीले १४० नेपालीको बिचल्ली
दोहा, भदाै ४
कतारको राजधानी दोहाबाट ६० कि.मी टाढा रहेको साहानियास्थित नेपाली श्रमिक शिविरमा आगलागी हुँदा ४ सय भन्दा बढी कामदारको विचल्ली भएको छ । प्रायः कामदारका पार्सपोर्ट र क्याम्पका सबै सामान पूर्णरुपमा नष्ट भएका छन् ।
मंगलबार मध्यान्ह सबै डिउटी गएकाबेला विद्युत सर्ट भएर आगलागी भएकाले मानवीय क्षति भने भएको छैन । सो क्याम्पमा १ सय ४० भन्दा बढी नेपाली बस्दै आएका थिए । यो अन्य देशका कामदार भन्दा बढी संख्या हो ।
उनीहरु कतारको वाटर मास्टर कम्पनीमा कार्यरत थिए । अहिले उनीहरुलाई साहानियाको युसीसी क्याम्पमा अस्थायी बसोवासको ब्यबस्था गरिएको छ । आगलागी भएपछि उद्धारका लागि कम्पनी ब्यवस्थापन खटिएको थियो ।
प्रकाशित मिति: ४ भाद्र २०७२, शुक्रबार
