मलेशियामा मृत्यु भएका व्यक्तिका परिवारलाई सहयोग



म्याग्दी, चैत २३

वैदेशिक रोजगारीको सिलसिलामा मलेशियामा मृत्यु भएका म्याग्दीको मालिका गाउँपालिका–२ रुमको बेलीका २९ वर्षीय धर्मबहादुर रोकाको परिवारलाई रु एक लाख ४५ हजार सहयोग जुटेको छ ।

रोका परिवारको अवस्थासम्बन्धी यही चैत १६ गते राससमा प्रकाशित समाचारलाई विभिन्न सञ्चारमाध्यमले प्रकाशन÷प्रकाशन गरेपछि स्वदेश तथा विदेशबाट मृतकको परिवारलाई आर्थिक सहयोग आउने क्रम शुरु भएको छ ।

एउटै परिवारका तीनभाइ छोराको विदेशमा मृत्यु भएपछि विक्षिप्त बनेका रोकाका बुबाआमा र घर परिवारलाई आर्थिक सहयोगको आवश्यकता छ । मृतक रोकाका ७२ वर्षीय बुबा धनबहादुर रोका पक्षाघातबाट ग्रस्त हुनुहुन्छ भने र ६८ वर्षीया आमा लीलमति पेट र मुटुकी रोगी हुनुहुन्छ ।

मृतक रोकाको काजक्रिया गर्न र धनबहादुर र लिलमतिको उपचारका लागि आर्थिक अभाव भइरहेको समयमा कतारमा रहेका म्याग्देलीबाट रु ८० हजार ८३० र दरवाङवासीबाट संकलन गरिएको रकम गरी रु एक लाख ४५ हजार ८३० रोका परिवारलाई हस्तान्तरण गरिएको छ ।

दरवाङका वीरेन्द्र पुनमगरले कतारका साथै दरवाङमा समेत संकलन गरी एकमुष्ठ रु एक लाख ४५ हजार ८३० मृतकका साइला दाजु थमबहादुर रोकालाई हस्तान्तरण गर्नुभएको हो । घरमा आर्थिक जोहो गर्ने कान्छो छोराको समेत मृत्यु भएपछि वृद्धवृद्धाको औषधोपचार तथा रेखदेखमा सघाउने उद्देश्यले आर्थिक सहयोग गरिएको पुनले बताउनुभयो ।

मृतक रोका परिवारका चार भाइमध्ये जेठा तमबहादुर रोका, माइला भक्तबहादुर रोका र कान्छा धर्मलाल रोकाको विदेशमा सुतेकोसुत्यै मृत्यु भएको थियो । रोका परिवारको सहयोगका लागि देश विदेशमा रहेका म्याग्देली एवं संघसंस्थाले सहयोग अभियान शुरु गरेका छन् । रासस

 

प्रतिक्रिया दिनुहोस्
सामजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल इमेलः [email protected]
फोन : ०१-४१०७६६६
कार्यकारी सम्पादक :सुमन घिमिरे
           
facebook
© 2018 Deshko News