पहिरोमा परेर मृत्यु हुने संख्या ५६ पुग्यो
एजेन्सी, असोज १७
दक्षिण अमेरिकी देश ग्वाटेमालाको पूर्वी सहर एल काम्ब्रे डोसमा भारी वर्षापछि आएको पहिरोमा परी मृत्युहुनेको संख्या ५६ पुगेको छ । सरकारी अधिकारीहरुले पहिरोमा परि अझै ३५० भन्दा बढी मानिसहरु हराईरहेको जानकारी दिएका छन् ।
शुक्रबार रातको समयमा पहिरो जाँदा सुतिरहेका मानिस बगेर बेपत्ता भएका हुन् । ग्वाटेमालको राजधानीबाट १५ किलोमिटर टाढाको क्षेत्रमा पहिरो गएको हो । पहिरोमा पुरिएकामध्ये जीवित रहेका केहीले भने आफ्ना आफन्तलाई फोन र मेसेज पठाएर सम्पर्क गरेको स्थानीय अधिकारीहरुले जनाएका छन् ।
भारी वर्षा जारी रहेकाले खोज र उद्धार प्रभावित भएको बताइएको छ । उद्धार कर्ताहरुले २६ जनालाई पहिरोमा जिवितै उद्धार गरिएको जनाएका छन् । पहिरोमा परि मृत्यु भएकाहरुको दाहसंस्कार गर्न समिेत सुरु गरिएको छ । गाउँ नजिकै रेहेक बन रहेको डाडो पुरै बस्तिमा खसेको थियो ।
प्रकाशित मिति: १७ आश्विन २०७२, आइतबार
