नेपाल र मलेसियाबीचको खेल बराबरी



काठमाडौँ, असोज ७

एएफसी यु–१६ महिला च्याम्पियनसिपअन्र्तगत छनोट चरणकौ अन्तिम खेलमा नेपालले मलेसियासँग बराबरी खेलको छ । हल्चोकस्थित एपिएफ क्लबको मैदान आज भएको खेलमा नेपालले मलेसियासँग ४–४ गोलको बराबरी खेल्दै अङ्क बाडेको हो । नेपालका लागि कप्तान प्रिती राई, सुष्मा तामाङ र सबिता रानामगरले एक एक गोल गरिन् ।

त्यस्तै थप एक गोल भने मलेसियाले नेपालको लागि आत्मघाती गोल गरेको थियो ।  यता मलेसियाको लागि हेल्मा इम्लीले २ गोल गरिन भने विटी तामिङ र नरुल नबिलाले एक गोल थपिन् ।

समूह ‘इ’ बाट यसअघि नै बाहिरिसकेका नेपाल र मलेसियाले एक एक अङ्क जोडेर प्रतियोगिता सकाए । अघिल्ला दुई खेलमा दुवै टोलीले पराजय भोगेका थिए । पहिलो खेलमा नेपाल फिलिपिन्ससँग चार शून्य गोलअन्तरले पराजित भएको थियो भने दोस्रो खेलमा म्यानमारसँग ११ –१ ले पराजित भएको थियो ।

यता मलेसिया भने पहिलो खेलमा म्यानमार र दोस्रो खेलमा फिलिपिन्ससँग पराजित भएको थियो । आजै भएको समूह चरणको अन्तिम खेलमा म्यानमारले फिलिपिन्सलाई ५–१ गौलअन्तरले पराजित गर्दै समूह इ को उपाधि जितेको थियो । रासस

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2021 Deshko News