एमालेले नयाँ मन्त्रीहरुको टुंगो लगायो, सपथ ग्रहणको तयारी हुँदै
काठमाडाै, कार्तिक १९
प्रधानमन्त्री केपी शर्मा ओलीले नेकपा एमालेबाट मन्त्रिपरिषद्मा सहभागी हुने थप मन्त्रीहरुको टुंगो लगाएका छन् । पार्टी उपाध्यक्षद्वय भीम रावल र अष्टलक्ष्मी शाक्य, उपमहासचिव विष्णु पौडेल, नेताहरु शेरधन राई र आनन्द पोखरेललाई मन्त्री बनाउने निर्णय गरेका छन् ।
उनीहरुलाई सपथ ग्रहणका लागि तयारी रहन सूचना दिइसकेको एमाले स्रोतले जनाएका छन् । २४ असोजमा प्रधानमन्त्री निर्वाचित ओलीले आफ्नै पार्टीबाट मन्त्रीहरुको टुंगो लगाउन सकेका थिएनन् ।
लगातार बसेको एमाले स्थायी कमिटी बैठकले प्रधानमन्त्री ओलीलाई मन्त्रीहरुको नाम छनौट गर्ने जिम्मेवारी दिएको थियो ।
याे पनि पढ्नुहाेस्
प्रकाशित मिति: १९ कार्तिक २०७२, बिहिबार
