काठमाडौं जेठ १५

एसिड प्रहारबाट घाइते सीमा बस्नेतले भूकम्प पीडित बालबालिकाहरुलाई शैक्षिक सामग्री वितरण गर्दै छिन् । यही जेठ २१ गते काभ्रे र सिन्धुपाल्चोक जिल्लाको ५/५ गाविसहरुमा शैक्षिक सामग्री वितरण गर्ने बस्नेतले बताइन् । गत फागुन १० गते बिहान काठमाडौं वसन्तपुरको झोंछेस्थित एक ट्युसन सेन्टरमा सीमा बस्नेत, संगीता मगर र हेमु मुखर्जीमाथि एसिड प्रहार भएको थियो । एसिड प्रहार गर्ने २२ वर्षीय जीवन विक पक्राउ परिसकेका छन् । सीमा बस्नेत तथा सन्तोष तिमिल्सिना लगायतको समूह भूकम्प पीडित बालबालिकाहरुलाई शैक्षिक सामग्री उपलब्ध गराउन लागेका हुन् । उनीहरुले कापी, डटपेन लगायतका शैक्षिक सामग्री १० हजार थानभन्दा बढी बाँड्नेछन् । उनीहरुले स्टेसनरी सामग्री उत्पादक, वितरक तथा व्यक्तिहरुबाट राहतको रुपमा शैक्षिक सामग्री संकलन गरेका हुन् ।