डब्लूएचओको चेतावनीः लकडाउन हटाइयो भने महामारीकाे अवस्था भयाभय हुन सक्छ!



काठमाडौं, जेठ १३
विश्व स्वास्थ्य संगठन (डब्लूएचओ) ले जुन देशमा अहिले कोरोना संक्रमण कम हुँदै गइरहेको छ, तिनमा तुरुन्त लकडाउनलगायत प्रतिबन्ध हटाइयो भने यो महामारी अझ दोब्बर मात्रामा फर्किन सक्ने चेतावनी दिएको छ।

डब्ल्यूएचओका आपतकालीन प्रमुख डाक्टर माइक रायनले केही देशमा अहिले कोरोना संक्रमणको पहिलो लहर नै चलिरहेको उल्लेख गर्दै जुन मुलुकमा संक्रमण केही कम हुँदै गएको देखिएकाे छ, हेलचक्रयाइँ गरे ती देशमा यो वर्षको अन्त्यमा पुनः दोब्बर मात्रामा यो महामारी फर्किन सक्ने खतरा रहेकाे बताएका हुन्।

उनले भनेका छन्, ‘अहिले केही देशमा संक्रमण कम हुँदै गएकाे छ, तर अझै मध्य र दक्षिण अमेरिका, अफ्रिका र दक्षिण एसियामा यो बढ्दै गएको छ।’

महामारी विभिन्न रूपमा धेरैपटक आउने र यसको अर्थ पहिलो लहर महामारी भइसकेका देशमा दोस्रो लहर अझ भयानक भएर आउने सक्ने उनले बताए। ‘यसर्थ यसको रोकथामा लागि अहिले नै तयारी नगरिए अर्काे लहर आउन सक्छ,’ उनले भने।

उनका अनुसार उत्तरी अमेरिका र युरोपका देशले कोरोना संक्रमण रोकथामका लागि भएका कदम जारी राख्नुपर्नेछ, जसले संक्रमणको दोस्रो लहर आउने जोखिम कम गर्न सकिनेछ।

युरोपका धेरै देश तथा र अमेरिकाका धेरै प्रान्तले लकडाउन हटाउन थालेपछि डब्लूएचओबाट यस्ताे चेतावनी आएको हाे। बीबीसी

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2021 Deshko News