काठमाडा, ७ कात्तिक
अख्तियार प्रमुख लोकमान सिंह कार्कीवरुद्ध संसदमा दायर भएको महाअभियोग प्रस्ताव पारित गर्न माग गर्दै विभिन्न विद्यार्थी संगठनहरुले राजधानीमा प्रदर्शन गरेका छन् ।

कांग्रेस, एमाले, माओवादीका भातृसंगठनहरु लगायत विभिन्न दलसम्वद्ध १३ विद्यार्थी संगठनहरुले आइतबार दिउँसो माइतीघर मण्डलाबाट बानेश्वरसम्म प्रदर्शन र्याली गरेका हुन् ।

प्रदर्शनमा सहभागीहरुले लोकमानको सम्पत्ति सार्वजनिक गर, विधिको शासन कायम गर, लोकमानलाई कारबाही गर लगायतका नारा घन्काएका थिए ।

विद्यार्थी संगठनहरुले सडक प्रदर्शनसँगै प्रमुख दलका शीर्ष नेताहरुलाई भेटेर महाअभियोग प्रस्ताव पारितका लागि दबाव दिँदै आएका छन् ।