काठमाण्डौ, कार्तिक १४

प्रधानमन्त्री पुष्पकमल दाहालले संविधान संशोधनमा दलहरु सहमति नजिक पुगेको दाबी गरेका छन् ।

आज प्रधानमन्त्री निवास बालुवाटारमा देउसी भैलो खेल्न गएका संचारकर्मीसँग उनले संविधानलाई सहमतिको आधारमा छिट्टै संशोधन गरिने बताए ।

संविधान कार्यान्वयन अझै पनि चुनौतिपूर्ण रहेको भन्दै उनले संविधान संशोधनपछि मधेशी मोर्चाका सबै माग सम्बोधन हुने दाबी पनि गरे । राष्ट्रिय हितका लागि सबै दल एकतावद्ध हुनुपर्ने उनको भनाइ थियो ।

सरकारले स्थानीय, प्रादेशिक र केन्द्रीय निर्वाचनको समेत तयारी थालिसकेको प्रधानमन्त्री दाहालले बताए ।

प्रकाशित मिति: १४ कार्तिक २०७३, आइतबार