दीपावली मनाउँदा आगलागी, चार घर खरानीमा परिणत



काठमाडौं, कात्तिक १५

कपिलवस्तुमा दीपावली गर्ने क्रममा आगलागी हुँदा चार घर जलेर खरानी भएको छ ।

आइतबार बेलुका लक्ष्मी पूजा गरेर घरमा दीपावली गर्दा दियोबाट आगो सल्केर कपिलवस्तु नगरपालिका–१० सिकोटवामा चार घर जलेर खरानीमा परिणत भएको प्रहरीले जनाएको छ ।

आगलागीका कारण स्थानीय शिब्वड रैदास, राम विलास रैदास, राजु रैदास र भिख्खु रैदासको घर खरानीमा परिणत भएको छ ।

आगलागीबाट तीनीहरुको घरमा भएका ४ वटा सिलाई मेसिन, दुईवटा ईन्टरलक मेशिन, ७ हजार रुपैयाँ नगद र घरमा रहेका सबै लत्ताकपडा समेत जलेको छ ।

नगरपालिकाले पीडितलाई त्रिपाल, खाना पकाउने भाडाँ, केही राशन लगायतका सामग्रीहरु उपलब्ध गराएको कपिलवस्तु  नगरपालिका कर्मचारी जीवनाथ पाण्डेले जानकारी दिए ।

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2022 Deshko News