काठमाडौं, कात्तिक १८
पछिल्लो समय भारतले पाकिस्तानसँगको लडाइँमा गोरखा सैनिक उतारेको भन्दै ‘विप्लव’ माओवादीले त्यसको विरोधस्वरुप भारतीय दुतावास घेराउ गर्ने भएको छ ।

बिहीबार एक विज्ञप्ति सार्वजनिक गर्दै विप्लव नेतृत्त्वको नेकपा माओवादीले पाकिस्तान विरुद्ध भारतले गोरखा सैनिक प्रयोग गरेको भन्दै त्यसका विरुद्ध राजधानीमा शुक्रबार प्रदर्शन गर्ने जनाएको छ ।

पाकिस्तानसँगको लडाइँमा पछिल्लो समय गोरखा सैनिकमा कार्यरत धरानका विमल तामाङको मृत्यु भएको थियो ।

त्यसको विरोध गर्दै गोरखा सैनिक फिर्ता गर्न माओवादीले उक्त विरोध प्रदर्शन गर्ने जनाएको छ ।

रत्नपार्कबाट विरोध प्रदर्शन कार्यक्रम सुरु गरी लैनचौरस्थित भारतीय दुतावास अगाडि पुगेर कोणसभामा परिणत गर्ने माओवादी प्रवक्ता खड्कबहादुर विश्वकर्मा ‘प्रकाण्ड’ले जानकारी दिए ।
उक्त विरोध प्रदर्शन कार्यक्रममा माओवादीका शीर्ष नेताहरुले सम्वोधन गर्ने कार्यक्रम पनि रहेको छ ।

प्रकाशित मिति: १८ कार्तिक २०७३, बिहिबार