रौतहट-२ का स्वतन्त्र सांसद किरण साह प्रवेश गरे एमालेमा
काठमाडौं, पाैष १९
रौतहट-२ का स्वतन्त्र प्रतिनिधिसभा सदस्य किरण कुमार साह नेकपा एमाले पार्टीमा प्रवेश गरेका छन् ।
सोमबार साँझ बालकोटमा पार्टी अध्यक्ष केपी शर्मा ओलीले स्वतन्त्र सांसद साहलाई एमालेमा प्रवेश गरेका हुन् ।
पूर्व प्रधानमन्त्री तथा एमाले अध्यक्ष ओलीले स्वतन्त्र सांसद किरण साहलाई खाँदा ओढाएर टीका लगाई पार्टी प्रवेश गराए ।
उक्त अवसरमा केपी शर्मा ओलीसँगै अर्थमन्त्री विष्णु पौडेल, रौतहट क्षेत्र १ का सङ्घीय सांसद प्रत्याशी अजयकुमार गुप्ता, प्रदेश सांसद प्रत्याशी राजकिशोर यादव, एमालेका स्थानीय नेता शेख फजिले हक लगायतको उपस्थिति रहेको थियो ।
प्रकाशित मिति: १९ पुस २०७९, मंगलबार
