सीके राउतको सरकारमा जाने दाउ
काठमाडौं, जेठ २६
सीके राउत नेतृत्वका जनमत पार्टी सरकारमा जाने दाउ हेरेर बसेको छ ।
अघिल्ले गठबन्धनबाट पुस १० मा बनेको सरकारमा सहभागी उक्त दलले गठबन्धन परिर्वतनसँगै रोजेको मन्त्रालय नपाएको भन्दै सरकारबाट बाहिरिए पनि अहिले पुन सरकारमा जाने दाउ हेरेर बसेको हो ।
१० पुसमा प्रधानमन्त्री नियुक्त भएका प्रधानमन्त्री पुष्पकमल दाहाल प्रचण्डले पहिलोपटक मन्त्रीपरिषद विस्तार गर्दा जनमत पार्टीका अब्दुल खाँलाई खानेपानी मन्त्री बनाउनु भएको थियो ।
तर, रोजेको मन्त्रालय नपाएको भन्दै सत्ता गठबन्धनको सरकारलाई दिएको समर्थन कायम राख्दै गत १७ चैत्रमा मन्त्रीबाट राजीनामा दिएर छोडेका थिए ।
पछिल्लो समय उक्त दलका अध्यक्ष सीके राउतले परिस्थिति बनेमा आफूहरु सरकारमा सहभागी हुने बताउँदै आएका छन् ।
राउतले पछिल्लो समय प्रधानमन्त्रीसँग सरकारमा सहभागीताको विषयमा कुराकानी हुन नपाएको बताउँदै परिस्थिति मिले सरकारमा जान तयार रहेको बताए ।
प्रकाशित मिति: २६ जेष्ठ २०८०, शुक्रबार
