काठमाडौं, भदौ १३
माछापुच्छ्रे बैंक लिमिटेडले सेयरधनीहरुलाई १४ प्रतिशत लाभांश वितरण गर्ने निर्णय गरेको छ । यो निर्णयसँगै माछापुच्छ्रे बैंक आर्थिक वर्ष २०७९–८०का लागि लाभांश घोषणा गर्ने पहिलो वाणिज्य बैंक बनेको छ।

बैंक सञ्चालक समितिको बैठकले उक्त लाभांशमध्ये १३.३० प्रतिशत बोनस सेयर वितरण गर्ने छ भने चुक्ता पुँजीको ०.७० प्रतिशत नगद लाभांश वितरण गर्ने भएको हो ।

उक्त प्रस्ताव नेपाल राष्ट्र बैंकबाट स्वीकृत भई बैंकको आगामी साधारणसभाले पारित गरेपछि सेयरधनीले लाभांश प्राप्त गर्नेछन् । हाल बैंकको चुक्ता पुँजी १० अर्ब २५ करोड छ।

प्रकाशित मिति: १३ भाद्र २०८०, बुधबार