एमालेले गर्यो यस्तो निर्णय



काठमाडौं, पुस १९

प्रमुख प्रतिपक्षी दल नेकपा एमालेले एक महिनाभन्दा लामो समयदेखि अवरुद्ध गर्दै आएको व्यवस्थापिका–संसद बैठक खुलाउने निर्णय गरेको छ । अध्यक्ष केपी शर्मा ओलीको निवास बालकोटमा मंगलबार बसेको एमाले स्थायी कमिटीको बैठकले सर्वोच्च अदालतको आदेश आफ्नो पक्षमा भएको भन्दै स्वागत् गरेको हो । उसले संसदमा गर्दै आएको अवरोध हटाउने निर्णय पनि गरेको हो ।

वर्तमान संसदले प्रदेशको सीमांकन फेरबदल गर्न नसक्नेमा सर्वोच्च अदालतले स्पस्ट पारेको भन्दै एमालेले अब संसद अवरुद्ध गर्नुको औचित्य नरहेको निष्कर्ष निकालेको हो । बैठकले संशोधन प्रस्ताव फिर्ता लिन सरकारलाई आग्रह गर्ने निर्णय पनि गरेको एमाले उपाध्यक्ष बामदेव गौतमले जानकारी दिए ।

बैठकले सीमांकनको हेरफेर सम्बन्धित प्रदेशसभालाई दिने सर्वोच्च अदालतको आदेशलाई सम्मान गर्न सत्तापक्ष बाध्य हुनैपर्ने पनि जनाएको छ । सर्वोच्च अदालतले प्रदेशसभाको अनुमति लिएरमात्रै सीमांकनसम्बन्धी हेरफेर गर्न सकिने आदेश आफूहरुले उठाउँदै आएको मुद्दासँग मेल खाएको उल्लेख गर्दै बैठकले सोहीअनुसार अरु दलसँगको छलफललाई अघि बढाउने निर्णय पनि गरेको छ ।

संशोधन प्रस्ताव फिर्ता लिन सत्तापक्ष तयार नभएसम्म विरोध जारी रहने पनि एमालेले जनाएको छ । एमालेसहितको विपक्षी दलहरुको अवरोधका कारण संसद बैठक एक महिनायता अवरुद्ध हुँदै आएको छ । बैठकले संविधान संशोधन विधेयक परिमार्जन गर्ने सम्बन्धमा सत्तारुढ र विपक्षी अरु दलसँग छलफल गर्ने निर्णय गरेको छ ।

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2022 Deshko News