एक हजारमा नै एसएलसी पास !
काठमाडौं, पुस २१
विद्यालय कक्षा पास गरेपछि मात्रै दिइने एसएलसीको प्रमाणपत्र १ हजार रुपैयाँमै बनाइदिने गरेको खुलेको छ ।
विदेश पठाउँछु भन्दै ठगेको आरोपमा महानगरीय प्रहरी अपराध महाशाखाले ऐनबहादुर थापा मगरलाई पक्राउ गरेपछि प्रहरी एसएलसीको नक्कली प्रमाणपत्र बनाइदिने गिरोहसम्म पुग्न सफल भएको हो ।
सो गिरोहले एसएलसीको प्रमाणपत्र चाहिने भन्दै आउनेलाई १ हजार रुपैयाँ लिई सहजै बनाइदिने गरेको थियो । गिरोहले नक्कली प्रमाणपत्र बनाएर विदेश जाने सोझा कामदारका लागि एसएसली पास गरेको धेरै प्रमाणपत्र वितरण गरिसकेको प्रहरीको अनुमान छ । आजको राजधानी दैनिकमा समाचार छ ।
प्रकाशित मिति: २१ पुस २०७३, बिहिबार
