Deshko News
११ आश्विन २०८०, बिहिबार

नेपाल राजनीतिक संक्रमणको अन्त्यतिर आएको छ – प्रधानमन्त्री



काठमाडौं, पुस २८

प्रधानमन्त्री पुष्पकमल दाहाल ‘प्रचण्ड’ले नेपाल राजनीतिक संक्रमणको अन्त्यतिर आएको बताएका छन् । नेपाल, भारत, बंगलादेश र साइप्रसका प्रेस काउन्सिलका प्रतिनिधिहरुसँग बिहीबार बिहान भएको सामूहिक भेटमा प्रचण्डले सो धारणा राखेका हुन् ।

नेपालको शान्ति प्रक्रिया र संविधान निर्माणमा प्रेस जगतको निकै ठूलो भूमिका रहेको भन्दै उनले प्रेस जगत लोकतन्त्र र सुशासनको आधारस्तम्भ भएको बताए । भेटमा प्रधानमन्त्री प्रचण्डले भने, ‘नेपाल राजनीतिक संक्रमणको अन्त्यतिर आएको छ ।

नेपालको शान्ति प्रक्रिया र संविधान निर्माणमा प्रेस जगतको निकै ठूलो भूमिका छ । प्रेसको सकारात्मक भूमिका नभएको भए मौलिक ढंगबाट शान्ति र संविधानको प्रक्रिया सफलतामा टुङ्गाउन सम्भव पनि थिएन । हामीले नयाँ संविधान निर्माण गरेका छौं, संविधानले पूर्ण प्रेस स्वतन्त्रताको व्यवस्था गरेको छ ।

प्रेस नै लोकतन्त्र र सुशासनको आधारस्तम्भ हो भन्नेमा सरकार स्पष्ट छ ।’ २१ औं शताब्दी सूचना प्रविधिको युग भएको भन्दै उनले यसलाई विश्वस्तर र दक्षिण एसियामा संगठित गरेर अगाडि बढ्ने प्रयास गरेको भन्दै प्रेस काउन्सीलको प्रतिनिधिहरुको प्रशंशा गरे ।

‘नेपाल सरकार त्यसका लागि हातेमालो गर्न तयार छ,’ उनले भने । भेटमा प्रेस काउन्सिल नेपालका अध्यक्ष बोर्णबहादुर कार्की, नेपाल पत्रकार महासंघका प्रतिनिधिहरु साइप्रस प्रेस काउन्सिलका प्रतिनिधि अलि हान्श्री, भारतीय प्रेस काउन्सिलका अध्यक्ष जस्टिस् चन्द्रमौली कुमार प्रसाद, बंगलादेश प्रेस काउन्सिलका अध्यक्ष जस्टिस् ममताज् उद्दिन अहमेद लगायत थिए ।

प्रकाशित मिति: २८ पुस २०७३, बिहिबार

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
सिधा सम्पर्क : ९८५२०५२२००
           
संस्थापक / प्रधान सम्पादक : ध्रुव सुबेदी
     
           
facebook
© 2023 Deshko News