मकवानपुरबाट भरूवा बन्दुकसहित एक जना पक्राउ
मकवानपुर । मकवानपुरको मनहरी गाउँपालिका-९ हरियाली सामुदायिक जंगलबाट भरूवा बन्दुकसहित एक जना पक्राउ परेका छन्।
राक्सिराङ गाउँपालिका-१ गडुवानका ५२ वर्षीय जित बहादुर थिङलाई प्रहरीले बन्दुकसहित पक्राउ गरेको हो।
प्रहरीका अनुसार उनको साथबाट भरूवा बन्दुक १ थान, खकुरी १ थान, गोली जस्तो देखिने फलामको वस्तु ३३ थान, बल बेरिङ १३ थान, छर्रा २४ थान र बारूद ३ सय ५ ग्राम बरामद भएको छ।
इलाका प्रहरी कार्यालय मनहरीबाट खटिएको प्रहरीले उनलाई उक्त हातहतियारसहित फेला पारी पक्राउ गरेको हो । प्रहरीले घटनाको आवश्यक अनुसन्धान गरिरहेको छ।
प्रकाशित मिति: ९ माघ २०८१, बुधबार
