मेलम्ची खानेपानीको पाइप फुटेपछि बबरमहल जलमग्न
काठमाडौं । मेलम्ची खानेपानीको पाइप फुट्दा काठमाडौंको बबरमहल क्षेत्रका सरकारी भवन जलमग्न बनेका छन् ।
बबरमहलको सडकमा रहेको पानीको पाइप फुटेपछि त्यहाँबाट बगेको पानी सरकारी भवन परिसरसम्म पुगेको हो।
पाइप फुटेपछि वन परिसरभित्र पानी पसेको छ। त्यहीँ छेउमा जिल्ला अदालत काठमाडौं र विशेष अदालतमा पनि पानी पसेको छ।
पानी जमेर त्यहाँ रहेका सवारी साधनहरू डुबेका छन्।
प्रकाशित मिति: ३० माघ २०८१, बुधबार
