भारतको छत्तीसगढमा दुई गाडी ठोक्किए, कम्तीमा १३ जनाको मृत्यु

काठमाडौं । भारतमा गएराति सवारी दुर्घटना हुँदा १३ जनाको मृत्यु भएको छ ।

भारतीय राज्य छत्तीसगढको राजधानी रायपुरबाट करिब ३० किलोमिटर टाढा बाङ्गोलीमा दुई सवारी ठोक्किएका हुन् । मृतकहरू सबै माज्दा गाडीमा सवार थिए ।

जुन ठूलो ट्रेलर गाडीसँग ठोक्किएको बताइएको छ । अहिलेसम्म १३ जनाको मृत्यु भएको खबर छ ।

दुर्घटनामा दर्जनभन्दा बढी गम्भीर घाइते भएका छन्, जसलाई रायपुरको सरकारी अस्पतालमा भर्ना गरिएको छ।