सुनको मूल्य तोलामा २ लाख ३० हजार नाघ्यो, चाँदीको कति ?

काठमाडौं । असोज १२ गतेदेखि बन्द भएको सुनचाँदीको निर्धारण आजदेखि सुचारु भएको छ ।

योसंगै आइतबार सुनको मूल्य तोलामा ७ हजार ४०० रुपैयाँ बढेर नयाँ रेकर्ड कायम गरेको छ । नेपाल सुनचाँदी व्यवसायी महासंघले आइतबार सुनको मूल्य २ लाख ३० हजार ६०० रुपैयाँ कायम भएको छ ।

यसअघि असोज १२ मा सुनको मूल्य तोलामा २ लाख २३ हजार २०० रुपैयाँ कायम भएको थियो ।

यस्तै असोज १२ मा २ हजार ८१० रुपैयाँ कायम भएको चाँदीको मूल्य २ हजार ९३० रुपैयाँ पुगेको छ। आइतबार कायम भएको सुन र चाँदी दुवैको मूल्य हालसम्मकै उच्च हो ।