गाजा शान्ति योजना वार्तामा कस्तो रह्यो पहिलो दिनको छलफल ?

कायरो । इजिप्टमा गाजा शान्ति योजनामा मंगलबार ​​पहिलो दिनको वार्ता भयो । वार्ताबारे स्थानीय सञ्चार माध्यमले समाचार छापेका छन् । इजरायल र हमासबिचको शान्ति वार्ताको वातावरण अहिलेसम्म सकारात्मक रहेको इजिप्टियन मिडियाले रिपोर्ट गरेका छन् ।

वार्तामा अमेरिका, कतार र इजिप्टले मध्यस्थकर्ताको रूपमा काम गरिरहेका छन् । पहिलो चरणको वार्ता सकारात्मक वातावरणमा सम्पन्न भएको इजिप्टको सरकारी गुप्तचर एजेन्सीसँग सम्बद्ध अल–कायरा न्युजले समाचारमा भनेको छ ।

इजरायली बन्धकहरू र प्यालेस्टिनी कैदीहरूको रिहाइको तयारीमा छलफल गरिएको थियो । इजिप्शियन र कतारी प्रतिनिधिहरूले बन्धकहरू र कैदीहरूको रिहाइमा अगाडि बढ्ने तरिकाहरू खोज्न दुवै पक्षसँग काम गरिरहेका बताइएको छ ।

शान्ति वार्ताको बिचमा इजरायली सेना सतर्क छ । इजरायलमा हमासको आक्रमणको दोस्रो वार्षिकोत्सवलाई ध्यानमा राख्दै सतर्कता अपनाइएको हो ।