आर्मीलाई हराउँदै माइभ्याली गोल्डकपकाे उपाधि झापा ११ ले जित्यो



इलाम, चैत २६

झापा ११ ले तेस्रो माइभ्याली गोल्डकप फुटबलको उपाधि जितेको छ । शनिबार इलामको ठूलो टुँडिखेलमा भएको खेलमा विभागीय टिम नेपाल आर्मीलाई टाइब्रेकरमा ४–२ ले हराउँदै झापा ११ ले उपाधि उचालेको हो ।

निर्धारित र त्यसपछि थपिएको अतिरिक्त सयममा दुवै टिमबाट गोल नभएपछि खेलको निर्णय टाइब्रेकरबाट लिइएको हो । झापाले उपाधिसहित ४ लाख रुपैयाँ पाएको छ । उपविजेता नेपाल आर्मीले भने साढे २ लाख रुपैयाँ पाएको छ ।

झापा ११ ले गएको वर्ष पनि उपाधि जितेको थियो । आर्मीले नेपाल पुलिस क्लब र झापाले एपिएफलाई हराएर फाइनलमा स्थान बनाएका थिए ।

झापाले यस वर्ष काँकडभिट्टा गोल्डकपको उपाधि पनि जितेको थियो । आर्मीले यसवर्ष सिमरा गोल्डकप, दुहवी गोल्डकप र हेटौंडा गोल्डकप जिते पनि माइभ्याली गोल्डकपमा भने जित निकाल्न सकेन ।

आर्मीले यस सिजनमा आहा गोल्डकपको क्वाटरफाइनलमा झापालाई पराजित गर्दै सेमिफाइनलमा प्रवेश गरेको थियो ।

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2022 Deshko News