आइपिएलमा दिल्ली डेयरडेभिल्सको पहिलो जित दर्ता



काठमाण्डौ, चैत्र ३०

इन्डियन प्रिमियर लिग (आइपिएल) क्रिकेटमा दिल्ली डेयरडेभिल्सले पहिलो जित दर्ता गरेको छ । आइपिएल अन्तर्गत मंगलबार राति पुनेमा भएको खेलमा दिल्लीले राइजिङ पुणे सुपरजाइन्ट्सलाई ९७ रनले हरायो ।

दिल्लीले प्रस्तुत गरेको दुई सय ६ रनको लक्ष्य पछ्याएको पुणेले १६ दशमलव १ ओभरमा सबै विकेट गुमाएर मात्रै एक सय ८ रन बनाउन सक्यो । उसका मयंक अग्रवालले २० , रजत भाटियाले १६ र दीपक चहरले १४ रन बनाउने बाहेक अरुले राम्रो प्रदर्शन गर्न सकेनन् ।

दिल्लीका अमित मिश्रा र जाहिर खानले समान तीन तीन तथा प्याट कममिन्सले दुई विकेट लिए । यसअघि पहिले ब्याटिङ गरेको दिल्लीले निर्धारित २० ओभरमा चार विकेटको क्षतिमा दुई सय पाँच रन बनायो ।

उसका सन्जु सामसोनले ६३ बलमा ८ चौका र पाँच छक्काको सहयोगमा एक सय २, क्रिस मोरिसले नटआउट ३८, ऋषभ पन्तले ३१ तथा साम विलिङग्सले २४ रन बनाए । पहिलो खेलमा हारेको दिल्लीको यो पहिलो जित हो ।

दुई खेलबाट दुई अंकसहित दिल्ली तेस्रो स्थानमा छ । तीन खेलमा दुई खेल हारेको पुणे दुई अंकसहित पुछारमा छ ।

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2022 Deshko News