जापानमा सत्तारुढ एलडीपीलाई दुई तिहाई बहुमत

एजेन्सी। जापानमा आइतबार भएको आम निर्वाचनमा प्रधानमन्त्री सनाई तकाइचीको लिबरल डेमोक्र्याटिक पार्टी (एलडीपी) ले ऐतिहासिक जीत हासिल गरेको छ ।

एलडीपीले ४६५ सदस्यीय संसदमा ३५२ सिट जित्दै दुई तिहाइ बहुमत पाएको हो ।
उक्त पार्टीले कुल सिटको ७५ प्रतिशत मत प्राप्त गरेको छ ।

अघिल्लो निर्वाचनमा पार्टीले सामान्य बहुमत समेत ल्याउन सकेको थिएन र मिलिजुली सरकार चलाइरहेको थियो । तर यस पटक एलडीपीले एक्लैले संसदमा पूर्ण नियन्त्रण पाएको छ ।

दोस्रो विश्वयुद्धपछि जापानमा कुनै एक दलले संसदमा यति ठुलो बहुमत प्राप्त गरेको यो पहिलो अवसर भएको जनाइएको छ। यो नतिजालाई जापानको समकालीन राजनीतिक इतिहासमा महत्वपूर्ण उपलब्धिका रूपमा हेरिएको छ।